A perpaus daus Bufadors segond M Louis Le Cam

Aquela tradicion torna monta a l'Atge Mejan. A nonmas subreviscut a Nontron (Dordonha) e a Sant Claudi (Jura). S’agis probablament d'una mena de "Bestior" , farsa satirica mentre la quala lo pòble s’acotrava de mascarats e de mascaradas qui li permetavan , en desgatjar, de polhar los poderos e los rics e subretot los praires e los monges .
La procession se tenià mentre la periòda juste abans lo june dau Caresma, dau temps que las ribòtas e un biais de licéncia dins las costumas eran autorisadas. Segurament los Bufadors eran destinats a conjurar los demons se sarrant jos los cotilhons de las femnas dau Nontronès , las Nontronesas en question avent la reputacion d’esser leugièras e un pauc leva-cuol.
Aquela tradicion sirià en seguida tombada en conolha ; Auriá estat exportada au Mexic per un òrdre religios, e puèi de noveu botada en onor dins lo Jura e a Nontron per los soldards de l’armada expedicionaira de retorn en França aprèp lo revers de la conquesta de 1865.

Autra tesi de Mr Paul Thibaud :

Aquela tradicion sirià una parodia irrespectuosa de la fervor exorcista daus Paires dau Convent de Sant Sauvador. Per chaçar l’Esperit dau Mau daus recantons ont cresian que se acatolava , los « Bons Paires » , vestits de blanc e armats de bufadors, se seguian en procession, bufant plan fòrt dins tots los endrechs que lur semblava possible d’acialar los demons.

(Traduction en occitan Joan Pau Verdier)